الموت قريب مننا.. حسين الشحات يدعم فتوح ويستشهد بأزمته مع الشيبي

حسين الشحات ومحمد الشيبي

وجه حسين الشحات، نجم النادي الأهلي، رسالة للجماهير المصرية، بشأن قضية أحمد فتوح لاعب نادي الزمالك.

ويخضع فتوح للمحاكمة بتهمة القتل الخطأ، حيث صدم أمين شرطة بسيارته، الشهر الماضي.

وجاءت رسالة حسين الشحات كالتالي:

(بسم الله الرحمن الرحيم).. {واتَّقُوا يَوْمًا تُرْجَعُونَ فِيهِ إِلَى اللهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ}.

أنا عايز اتكلم في موضوع كلنا بقينا بنتكلم فيه بس محدش حساس بحاجة الموت بقا قريب مننا كلنا وناس كتير بقت تموت من كتر الضغط النفسي وشوفنا اخونا وصاحبنا أحمد رفعت ربنا يرحمه يارب،

وشوفنا الأب الروحي الكابتن إيهاب جلال ربنا يرحمه يا رب.

وأنا كنت من فتره قريبة وقت مشكلتي مع الشيبي كان عليا ضغوط ربنا وحده اللي كان عالم بيها وطلعت واعتذرت

ودلوقتي مش عايزين نوصّل موضوع أخويا احمد فتوح لكده ونرجع نقول بعد كده ياريت كنا خفينا عليه، فتوح غلط وقال أنا غلطان مش لازم نتكلم ونقول لا أنت غلطان ونضغط عليه أي راجل لما بيطلع يعتذر ويقول أنا غلط سامحوني، أولا دي حاجة كبيره جدا عند ربنا والراجل طلع وقال أنا غلطان وعايز يروح لأهل المتوفي ربنا يرحمه يارب ويصبر اهله وأولاده يارب”.

مش كل شويه نطلع ونقول حسين أنت شتمت حسين انت غلط.. نفس الكلام برده فتوح مش كل شويه نطلع ونقول أنت غلطان ادعي لفتوح ربنا يهديه ويسامحه ادعي لحسين ادعي لاي إنسان بيغلط ربنا يهديه و يسامحه.

(كل بني آدم خطاء وخير الخطائين التوابون).. ربنا يهدينا جميعا ويسامح الجميع يارب، الدنيا مش مستاهله.

( واتقوا يوما ترجعون فيه إلى الله ثم توفى كل نفس ما كسبت وهم لا يظلمون).. فَمَا ظَنّكُم بِرَبّ العَالمِين.

اللهمّ إنّا نظن بك غفراناً وعفواً.. وتوفيقاً ونصراً.. وثباتاً وتيسيراً.. وسعادةً ورزقا.. وشفاءً وحُسْنَ خاتمة..وتوبةً نصوحاً وعتقاً من النار..فهْب لنا مزيداً من فضلكَ.. يا واسِع الفضل والعطاء..

اللهم فرج كرب المكروبين واقض حاجات السائلين وتب على العصاة والمذنبين من أمة محمد اجمعين ياااااااااااااااااارب العالمين.. قولوا آمين 🤲·

يا كابتن في نفس توفاها الله .. يا جماعه لو في مشكله انكم مش عارفين مدي تأثيركم ببساطه متتكلموش.