هجوم عنيف من شوبير علي نجم الاهلي بسبب الزمالك

وجه الاعلامي احمد شوبير نجم الاهلي السابق رساله ل احمد بلال مهاجم الاهلي السابق عقب تصريحاته المسيئه لفريق الزمالك 

واكد شوبير في تصريحات عبر اثير اون سبورت اف ام ان الزمالك فريق عظيم ولا يجوز التقليل منه باي شكل من الاشكال قائلا “من حقك تقول اللاعب الفلاني أو العلاني أحسن لاعب في مصر والفريق ده أحسن فريق في مصر براحتي هقول اللي في مزاجي واللي مقتنع بيه، تلاقي مثلًا واحد يقول الأهلي بنسبة 100 في المائة هيفوز في السوبر وواحد تاني يقول الزمالك هيفوز”

واضاف “لكن الموضوع لا يصل أبداً لدرجة التقليل هنا مش حلو يا كابتن بلال وتقول الزمالك هيسافرا ليه أنا لو منهم ما يسافروش هو بلال دمه خفيف ولذيذ، بس هنا التقليل لا مقبول ولا مطلوب ولا مستحب ولا ينفع أنا مشفتش التصريح بس قريت في كذا موقع وكذا مكان وقريت تعليقات فهنا ده مش رأى”

وتابع “يا كابتن بلال قول أنا شايف السوبر محسوم للأهلي ده حقك ده رأيك والأهلي هيفوز بعدد وافر من الأهداف والمباراة من جانب واحد رأيك لا أحد يستطيع يكلمك فيه، بس ما ينفعش أسخر ولا أقلل من كيان نادي كبير بحجم نادي الزمالك أو أي نادي آخر”

واختتم شوبير “لما نكلم عن نادي الزمالك يبقى فيه تقدير واحترام وليس عيبا أن تخرج لتقول مكانش قصدي وإن الموضوع كان على سبيل الهزار مش هنطلب من الناس تحترمنا ونحن ننتقد الناس”